صبح طوفان، موجیلی دریا علیدن دم ویرار
باصلابت کوه، پابرجا علیدن دم ویرار
ایلدیریم گویده شاخار، سسلر بولوتلار یاعلی
شوقیدن اشک فلک آخسا علیدن دم ویرار
سیر ائدیردیم عرشیده گؤردوم ملکلر ذکر ائدور
قدسیانِ عالم معنا علیدن دم ویرار
عشقینی الله قویوب هر ذرّه‌نون کانونینه
ابر و باد و مهر و مه حتی علیدن دم ویرار
شیعه‌لر عشقیله سسلر حضرت گول آدینی
اؤزگه نی سالماز یادا، مولا علیدن دم ویرار
بو جوانلار درس آلوبلار میثم تمّاریدن
باشینی کسه اگر اعدا، علیدن دم ویرار
نازل اولسا گونده مین دفعه اگر روح الامین
آیه آیه دیل آچوب یکجا علیدن دم ویرار
درک ائده بیلسه اگر شأن و مقامین عقل‌لر
آیه تشریح ایلمز طاها علیدن دم ویرار
بانوان باوفا فخر ائتسه هر دم همسره
لال اولاللار اوندا کی زهرا علیدن دم ویرار
رمز اعجاز تمام انبیادور یاعلی
هود و نوح و موسی و عیسی علیدن دم ویرار
هانسی پنجه سس وئرر لاسیف إلّا ذوالفقار
سیف باخ کی لافتا إلّا علیدن دم ویرار
پهلوانلار قورخودان سسلردی یکسر الفرار
چون گؤرردی صحنۀ هیجا علیدن دم ویرار
